समाचार

त्रिशूली नदीमा फेरी गाडी खस्यो, बिहानदेखि अझै बेपत्ता

काठमाडौं । नारायणगढ मुग्लिन सडकखण्डको जलविरेबाट रेडबुल बोकेको ट्रक त्रिशूली नदीमा खसेको छ । जिल्ला प्रहरी कार्यालय चितवनका अनुसार आज बिहान करीब २ः३० बजे वीरगञ्जबाट काठमाडौँ आउँदै गरेको ना ५ ख ५४१३ नम्बरको ट्रक त्रिशूलीमा खसेको हो ।इच्छाकामना गाउँपालिका–६ जलविरेमा ट्रक अनियन्त्रित भई सडकबाट करीब ७० मिटर तल झरेको हो ।

सडकबाट तल झरेको ट्रकको खोजीकार्य जारी रहेको छ । ट्रक चालक सर्लाही जिल्ला चकरघट्टा गाउँपालिका–५ का ३२ वर्षीय मुकेश चौधरी ट्रकबाट हाम फालेर बाँच्न सफल भएको प्रहरीले जनाएको छ । ट्रकमा अन्य मानिस भने नभएको प्रहरीले जनाएको छ ।

यो पनि पढ्नुहोस्

 

एमबाप्पेले नेयमारलाई धकेलेर टिम फोटोबाट बाहिर निकाल्न खोजेपछि…[भिडियो सहित]

 

एजेन्सी – पेरिस सेन्ट जर्मेन (पीएसजी) ले शनिबार भएको फ्रेन्च सुपर कपको खेलमा रेन्नेसलाई पराजित गर्दै सिजनको पहिलो उपाधि जित्यो ।

 

 

 

 

 

 

 

 

 

 

 

 

 

खेलमा सहभागिता नजनाएका ब्राजिलियन स्टार नेयमार खेलको समाप्तिपछि भएको ट्रफी र पदक वितरण समारोहमा भने उपस्थित थिए । उनी मैदानमा नउत्रिएपनि पदक ग्रहण गर्न भने समारोहमा उपस्थित थिए । तर उनी खुसियाली मनाउने मुडमा भने देखिएनन् ।

 

 

 

 

इटालियन मिडफिल्डर मार्को भेराट्टीले ट्रफी उचाल्ने समयमा नेयमारलाई तान्दै टोलीसँगै रहन भने । यसक्रममा युवा खेलाडी किलियन एमबाप्पेले पनि नेयमारलाई आफूतर्फ बोलाएका थिए । तर खुसीयाली मनाउने क्रममा नेयमार र एमबाप्पेबीच केहि मनमुटाव बढेको देखियो

 

 

 

 

ट्रफीसँग रहेर टोलीले फोटो खिच्ने समयमा भने एमबाप्पेले नेयमारलाई धकेल्दै बाहिर पठाए । नेयमारले पछिल्लो समय आफू बार्सिलोना फर्कन चाहेको बताउँदै आएका छन् । उनी पीएसजीको प्रशिक्षणमा पनि तोकिएको समयभन्दा एक साता ढिला आएका थिए । ट्रफी वितरण समारोहमा देखिएको हाउभाउले नेयमारले क्लब छाड्ने मनासय राखेको प्रष्ट देखिन्छ ।

Related Articles

Close
Close